Nyumbani

NEMC YAUNGANA NA WANAWAKE DUNIANI KOTE KUADHIMISHA SIKU YA WANAWAKE


Wanawake wa Baraza la Taifa la Hifadhi na Usimamizi wa Mazingira (NEMC) kutoka Kanda 13 nchini wameungana na wanawake wote duniani kuadhimisha Kilele cha Siku ya Wanawake Duniani, kilichoadhimishwa kitaifa katika Mkoa wa Geita, ambapo kwa Mkoa wa Dar es Salaam wanawake wameadhimisha katika Uwanja wa Barafu, Kata ya Mburahati, Wilaya ya Ubungo, ambapo mgeni rasmi katika hafla hiyo ni Mkuu wa Mkoa wa Dar es Salaam, Mhe. Albert John Chalamila.

Maadhimisho hayo yaliyosindikizwa na kaulimbiu isemayo “Haki na Usawa kwaWanawake na Wasichana: Msingi Jumuishi kufikia Dira ya Maendeleo 2050,” ikisisitiza umuhimu wa usawa wa kijinsia na kuhamasisha ushiriki wa wanawake katika maendeleo ya kijamii, kiuchumi na kisiasa.


Akizungumza katika hafla hiyo, Mhe. Albert John Chalamila alisisitiza kuwa maadhimisho haya ni fursa muhimu ya kuimarisha ushiriki wa wanawake katika vyombo vya maamuzi, kubadilisha mitazamo ya kijamii, na kuchangia moja kwa moja katika malengo ya Dira ya Maendeleo ya Taifa 2050. Aliongeza kuwa kuwepo kwa mazingira rafiki kwa wanawake ni muhimu katika kufanikisha maendeleo jumuishi ya taifa.

Maadhimisho haya yameonyesha wazi kuwa uwezeshaji wa wanawake ni chachu muhimu ya maendeleo ya kijamii, kiuchumi na kisiasa, huku akisisitiza kwamba wanawake wanapaswa kuendelea kushiriki kikamilifu katika shughuli za maendeleo ili kuchangia ustawi wa Taifa.






Hakuna maoni:

Chapisha Maoni

𝐍𝐄𝐌𝐂 𝐘𝐀𝐍𝐆'𝐀𝐑𝐀 𝐊𝐖𝐄𝐍𝐘𝐄 𝐑𝐈𝐀𝐃𝐇𝐀 - 𝐒𝐇𝐈𝐌𝐌𝐔𝐓𝐀 𝟐𝟎𝟐𝟔

📌𝐘𝐚𝐭𝐢𝐧𝐠𝐚 𝐍𝐮𝐬𝐮 𝐟𝐚𝐢𝐧𝐚𝐥𝐢 𝐌𝐛𝐢𝐨 𝐳𝐚 𝐌𝐢𝐭𝐚 𝟏𝟎𝟎, 𝐌𝐛𝐢𝐨 𝐳𝐚 𝐯𝐢𝐣𝐢𝐭𝐢, 𝐦𝐛𝐢𝐨 𝐳𝐚 𝐦𝐚𝐠𝐮𝐧𝐢𝐚 𝐧𝐚 𝐟𝐚𝐢...